Can-Do Samples

< All
Print

INTERPERSONAL SPEAKING – Intermediate High – Communities

INTERPERSONAL  SPEAKING – Intermediate High

I can participate in a conversation to support or reject a proposed school policy (Communities)

Scenario: உன் பள்ளிக்கூடத்தில்  சீருடை அணிய வேண்டும் என்ற கொள்கை வரப்போகிறது . அதை ஆதரித்தோ அல்லது  எதிர்த்தோ எவ்வாறு பேசி வெளிப்படுத்துவாய்? 

பெரியவர்: குமரன் உன் பள்ளியில்  சீருடை அணிய வேண்டும் என்ற கொள்கை வரப்போகிறதாமே. அது மாணவர்களிடையே உள்ள ஏற்றத்தாழ்வுகளைக் குறைக்கும்; ஆடம்பரத்தைத்  தவிர்க்கும்; கல்வியில் கவனத்தை செலுத்தும். நாங்கள் படிக்கும்போது அப்படிதான் இருந்தது. 

குமரன்: நீங்கள் சொல்வதெல்லாம் சரியாகத்தான் இருக்குறது. ஆனால் காலம், தலைமுறை எல்லாம்  மாறிவிட்டது.

பெரியவர்: ஏன் அப்படிச் சொல்கிறாய்? அதைப் பற்றி உன் கருத்தென்ன?

குமரன்: அந்தக் கொள்கையை கொண்டு வருவதற்கு முன்னால் இப்போது மாணவர்களின் மனநிலை என்னவென்று பார்க்க வேண்டும். தடையற்ற வாழ்கையை வாழும் அவர்களை உடனே  கட்டுப்படுத்த முயற்சிப்பது  சரியான வழியல்ல!!

பெரியவர்: தினசரி வாழ்க்கைக்குத் தேவையானது என்று எடுத்துக்கொண்டால் அவர்களுக்கு  சீக்கிரமே புரிந்துவிடுமே!.

குமரன்: நான் பள்ளியில் நிறைய நண்பர்களோடு பழகுகிறேன். அவர்களின் மனநிலை, எதிர்பார்ப்புகள் என்னவென்று எனக்கு நன்றாவே தெரியும்.

பெரியவர்:அப்படியென்றால் அந்தக் கொள்கையைக் கொண்டு வந்துவிட்டால் ஏற்றுக் கொள்ளமாட்டார்களா?

குமரன்: அப்படிப் பார்க்க வேண்டிய அவசியமில்லை. உதாரணத்திற்கு ACT, SAT போன்ற தரப்படுத்த தேர்வு முறைகள் கட்டாயம் எடுக்க வேண்டும் என்று அவர்களுக்குத் தெரியும். ஆனால் அதற்கு 9ஆம் வகுப்பிலிருந்தே அதைப் பற்றி கூறி அவர்களைத் தயார் செய்கிறார்கள்.

பெரியவர்:இதிலிருந்து என்ன கூற வருகிறாய்?

குமரன்:  சீருடை அணிய வேண்டும் என்பதில் ஒன்றும் பிரச்சனை இல்லை. முதலில்  வாரத்தில் குறைந்தது  இரண்டு நாட்களாவது சீருடை அணிவதைக்  கட்டாயமாக்க வேண்டும். அந்த முறையை அவர்கள் ஏற்றுக் கொண்டபின்னர், அதை மேலும் சில நாட்களுக்கு நீடிப்பதைப் பற்றி யோசிக்க வேண்டும்.

பெரியவர்: நல்ல யோசனை. வேறு என்ன செய்யலாம்?

குமரன்: ஒரு நாள் அவர்களுக்குப் பிடித்த உடையில் வரலாம் என்ற சலுகையை அளிக்க வேண்டும். இவ்வாறு இருக்க கூடவே சீருடை அணிவதன் பயன்கள் என்ன என்று எடுத்துக் கூற வேண்டும்.

பெரியவர்: அருமை!. உன் விளக்கம் என் எண்ணங்களையே மாற்றிவிட்டது. 

குமரன்: எனக்கு மிக்க மகிழ்ச்சியே. எங்கள் பள்ளியில் சில மாணவர்களுக்கு நிறைய பண வரவு கிடையாது. அவர்களுக்கு இலவசமாகவோ அல்லது 5-8 டாலரில் சீருடை கிடைக்க வழி செய்ய வேண்டியது மிக முக்கியம். எல்லோரும் சீருடை அணியும் நாட்களில் அனைவரும் சமம் என்ற நிலை அவர்களுக்கு ஒரு நல்ல செய்தியே என்பதில் சந்தேகம் இல்லை.

பெரியவர்: உன்னுடன் பேசியதில் இக்காலத் தலைமுறை பற்றி எனக்கு இது ஒரு பாடமே!!!

Previous INTERPERSONAL SPEAKING – Intermediate High – Communication
Next INTERPERSONAL SPEAKING – Intermediate High – Comparison
Table of Contents