Can-Do Samples

< All
Print

INTERPRETIVE READING – Intermediate High – Communities

INTERPRETIVE READING – Intermediate mid

I can understand information provided in a travel guide about a historical site.

மஹாபலிபுரம் என்று அழைக்கப்பட்டாலும், இதன் அழகிய பெயர் மாமல்லபுரம் என்பதாகும். காஞ்சிபுரம் மாவட்டத்தின் கடற்கரையில் அமைந்துள்ள இந்த பகுதி கடற்கரை கோவிலுக்கும், பல்லவ மன்னர்களின் துறைமுகம், சிற்பக்கலை, கட்டிடக் கலைக்காகவும் பெயர் பெற்று விளங்குகிறது. இது யுனெஸ்கோ அமைப்பின் உலக பாரம்பரிய தலங்களில் ஒன்றாக அறிவிக்கப்பட்டிருக்கிறது. சரி.. வாருங்கள் மஹாபலிபுரம் எப்படி செல்வது, எப்போது செல்வது, என்னென்ன செய்வது, எங்கெல்லாம் செல்வது உள்ளிட்ட பல தகவல்களையும் காண்போம்.

எப்படி செல்வது சென்னைக்கு மிக அருகாமையிலும் பாண்டிச்சேரிசென்னை கிழக்கு கடற்கரை சாலையின் பாதையிலும் அமைந்துள்ளதால் மிக சுலபமாக இந்த வரலாற்று நகருக்கு பயணிக்கலாம். செங்கல்பட்டு வரை ரயிலில் சென்று அங்கிருந்து பேருந்து அல்லது டாக்சி மூலமாகவும் இங்கு வரலாம். சென்னை, காஞ்சிபுரம், விழுப்புரம் ஆகிய நகரங்களிலிருந்தும் மஹாபலிபுரத்துக்கு பேருந்து வசதிகளும் இருக்கின்றன.

மஹாபலிபுரம் சென்றவும் பலரும் கடற்கரையில் நின்று வேடிக்கைப் பார்த்துவிட்டு திரும்பி விடுகின்றனர். ஆனால் உண்மையில் மஹாபலிபுரத்தில் ரசிப்பதற்கு கலை ரசிகர்கள் மற்றும் வரலாற்றுப்பிரியர்களை பிரமிக்க வைக்கும் ஏராளம் இருக்கின்றன. வாருங்கள் காண்போம். மாமல்லபுரத்தில் சின்னங்களை மண்டபங்கள், கோயில்கள், ரதக்கோயில்கள் என்று பல வகையாக பிரிக்கலாம். பஞ்ச பாண்டவ ரதங்கள், வராக மண்டபம் மற்றும் கடற்கரை கோயில்,சோழமண்டல் கலைக்கிராமம் ஆகியவை இங்குள்ள குறிப்பிடத்தக்க அம்சங்களாகும்.

இதர சுற்றுலா அம்சங்கள்

 நகரத்திலிருந்து 5 கி.மீ தூரத்தில் ஒரு துர்க்கையம்மன் கோயிலும் அமைந்துள்ளது. இங்கு பல அழகிய சிலைகளை பார்க்கலாம். புலிக்குகை மற்றும் முதலைப்பண்ணை போன்றவை பயணிகள் விரும்பக்கூடிய இதர சுற்றுலாத்தலங்களாக அமைந்துள்ளன.

Previous INTERPRETIVE READING – Intermediate High – Communication
Next PRESENTATIONAL SPEAKING – Intermediate High – Communication
Table of Contents